Misetic i reagon Avokatit të Popullit të Gjykatës Speciale: Për 6 vite as edhe një herë nuk i ke kontaktuar avokatët e Thaçit

Avokati i ish-Presidentit Hashim Thaçi, Luka Misetic, i ka reaguar Avokatit të Popullit të Gjykatës Speciale, Pietro Spera.

Avokati i Popullit i Gjykatës Speciale ka shpërndarë një video, ku ndër të tjera thotë se gjatë punës së tij i ka ofruar edhe takime private e konfidenciale të paraburgosurve, por që sipas tij, disa kanë pranuar ta takojnë, disa jo.

Ndaj këtyre pretendimeve të Pietro Spera-s ka reaguar avokati mbrojtës i Thaçit, Misetic, i cili tha se Avokati i Popullit i Gjykatës Speciale ka për detyrë të “monitorojë, mbrojë dhe të garantojë në mënyrë të pavarur” të drejtat themelore të të akuzuarve dhe se një gjë të tillë nuk e ka bërë asnjëherë për gjashtë vite.

“Ndërsa Avokati i Popullit i DHSK-së thotë se mandati i tij është të “monitorojë, mbrojë dhe të mbrojë në mënyrë të pavarur” të drejtat themelore të të akuzuarve, ai nuk i ka kontaktuar avokatët e Hashim Thaçit as edhe një herë në 6 vjet. Në të kundërt, Avokati i Popullit i Republikës së Kosovës, Naim Qelaj, ka kontaktuar në mënyrë aktive si pjesë e përpjekjeve të tij të monitorimit”, ka shkruar Misetic.

While the KSC Ombudsperson says his mandate is to 'independently monitor, defend, and protect' the fundamental rights of the accused, he has not contacted Hashim Thaçi’s lawyers even once in 6 years. In contrast, the Ombudsperson of the Republic of Kosovo, Naim Qelaj, has… https://t.co/RVuf34kOWB

— Luka Misetic (@MiseticLaw) July 3, 2026