Irani mohon se do të nënshkruajë marrëveshje me ShBA-në të dielën, por “ditët në vijim” janë të mundshme

Zëdhënësi i Ministrisë së Jashtme të Iranit, Esmaeil Baghaei, tha të shtunën se nënshkrimi i një marrëveshjeje kornizë mes Uashingtonit dhe Teheranit “nuk do të ndodhë nesër”, pavarësisht një sugjerimi nga ndërmjetësi kyç, Pakistani, sipas agjencisë gjysmëzyrtare iraniane të lajmeve Tasnim, transmeton CNN.

“Mundësia që kjo të ndodhë në ditët në vijim nuk përjashtohet,” tha Baghaei, sipas Tasnim. “Megjithatë, për shkak të paqëndrueshmërisë së palës tjetër, duhet të jemi të kujdesshëm me çdo deklaratë lidhur me këtë proces.”

“Kjo nuk është një marrëveshje përfundimtare mes Iranit dhe Shteteve të Bashkuara, por një memorandum që përshkruan pikat kryesore të mosmarrëveshjes dhe sqaron se lufta do të përfundojë,” shtoi zëdhënësi iranian.