Haxhi Adyli deklarohet: Do ta votoja Vjosa Osmanin, por ne GUXO-ja jemi pak

Lëvizja Vetëvendosje ende s'ka emër zyrtar për president.

As nga Guxo-ja, iniciativë politike e nisur nga Vjosa Osmani, nuk kanë nisur mbledhjen e nënshkrimeve për kandidaturën e saj.

Deputeti Haxhi Avdyli deklaroi për Kallxo.com se votat e tyre janë të pamjaftueshme.

“Për ta zgjedhur presidentin duhen 80 vota. Nuk varet nga dëshira personale, por nga konsensusi”, tha ai.

Avdyli shtoi se personalisht e vlerëson punën e Osmanit.

“Vota ime do të ishte pro saj, nëse është kandidate, por ne jemi pak”, u shpreh ai.

Ai konfirmoi se Guxo nuk ka nisur mbledhjen e nënshkrimeve.

“Nuk kemi filluar me nënshkrime sepse jemi në fazën e konsultimit”, deklaroi Avdyli.

Sipas tij, procesi ka nisur dhe konsultimet ndërmjet partive po zhvillohen në frymë pozitive.

Deputetët e Guxo-s brenda LVV-së, theksoi ai, do të kenë rol konstruktiv në këtë proces.