Formacioni i Kosovës kundër Armenisë

3 vjet më parë

nga Shpend Thaçi

Kombëtarja e Kosovës do ta zhvillojë miqësoren e parë pas ndeshjeve të qershorit, ndaj Armenisë.

Përzgjedhësi Alain Giresse ka zgjedhur 11-shen bazë, të cilën e ka mësuar Gazeta Nacionale para pak minutave.

Kapiteni ynë në këtë sfidë do të jetë portieri Visar Bekaj, i cili do të zhvillojë paraqitjen e katërt në miqësore për Kosovën.

Në mbrojtje janë dyshja e Superligës, Ilir Krasniqi i Llapit dhe Lumbardh Dellova i Ballkanit, pranë Jetmir Haliti dhe Leard Sadriut.

Eris Abedini këtë herë do të luajë në rolin e mesfushorit me tipare defensive, pranë Uran Bislimit dhe Muharrem Jasharit që gjenden në mesfushë.

Tekniku francez sulmin ia ka besuar treshes Valmir Veliu, Lirim Kastrati dhe Agon Sadiku (prurja më e re).

Pra, formacioni do të duket kështu: Bekaj; Krasniqi, Dellova, Haliti, Sadriu; Abedini, Bislimi, Jashari; Veliu, Kastrati, Sadiku.