Finlanda mbyll kufijtë për turistët rusë
Finlanda do të mbyllë kufijtë e saj për turistët rusë pasi presidenti rus Vladimir Putin lëshoi një urdhër mobilizimi në fillim të kësaj jave.
Ministrat finlandezë të premten në mbrëmje njoftuan se qeveria do të ndalojë turistët rusë të kalojnë kufijtë e saj gjatë ditëve të ardhshme.
“Aspirata dhe qëllimi është që të reduktohet ndjeshëm numri i njerëzve që vijnë në Finlandë nga Rusia”, tha presidenti Sauli Niinistö për transmetuesin shtetëror Yle.
Vendimi vjen pasi trafiku në pikat kufitare ruse me Finlandën u rrit pas urdhërit të mobilizimit që shkaktoi frikën se burrat në moshë luftarake në Rusi do të urdhëroheshin në vijën e parë të luftës në Ukrainë.
Në javët e fundit, Finlanda ka qenë nën presion të madh nga fqinjët e saj të BE-së pasi refuzoi të ndiqte shembullin e Estonisë, Letonisë, Lituanisë dhe Polonisë në ndalimin e hyrjes së turistëve rusë në kufijtë e tyre.
