Elezi (KQZ): Shtetasit e Kosovës që refuzohen, mund të ri-aplikojnë për regjistrim si votues jashtë Kosovës

Zëdhënësi i KQZ-së Valmir Elezi për Kosovapress ka thënë se shtetasit e Kosovës që refuzohen mund të riaplikojnë për regjistrim si votues jashtë vendit.

“Është e rëndësishme ta theksojmë se procesi i regjistrimit të votuesve jashtë Kosovës, nuk është përjashtues. Kjo do të thotë se nëse një shtetas i refuzohet aplikimi, ky nuk është një refuzim përfundimtar, pasi i njëjti ka të drejtë të ri-aplikojë. KQZ i informon individualisht aplikuesit e refuzuar për arsye të refuzimit të kërkesës së tyre dhe gjithashtu aplikuesit e refuzuar njoftohen se mund të ri-aplikojnë për regjistrim dhe të bashkëngjisin dokumentet e nevojshme për të përmbushur kërkesën e tyre në përputhje me udhëzimet e KQZ-së”, tha Elezi.