Banorët e Limanit i thanë CNN: Rusët u larguan nga qyteti paqësisht dhe në mënyrë të organizuar

Nuk ka asnjë gjurmë të trupave ruse në Liman, nga i cili rusët u tërhoqën. Heshtjen e shqetësojnë herë pas here tingujt e armëve apo topave. Banorët e qytetit ngasin biçikletat e tyre, të hutuar nga ajo që po ndodh dhe kërkojnë ushqim.

"Ata u futën në tanket e tyre dhe u larguan"

Gazetarët e CNN mbërritën në Liman vetëm tridhjetë minuta pasi presidenti ukrainas Volodymyr Zelenskiy tha se qyteti ishte pastruar plotësisht nga trupat ruse.

Zyrtarët ukrainas kanë përmendur vazhdimisht një numër të madh ushtarësh rusë të kapur. Mirëpo, sot ata nuk mund të shiheshin në Liman. Disa zyrtarë thanë se kishin hequr tashmë trupat dhe kishin marrë të burgosurit, por banorët vendas kanë një histori tjetër, duke thënë se forcat ruse u larguan nga qyteti në një mënyrë paqësore dhe të rregullt të premten.

"Ata u futën në tanket e tyre dhe u larguan", tha Tanja, duke u kthyer me biçikletë në strehimore, ku ajo ende kalon netë me 15 persona të tjerë. /Nacionale/