Akademisë i del edhe një “perlë”, Dr. Arsim Bajrami njofton – me 21 gabime – për librin e ri
Pas një “analize” me 118 gabime drejtshkrimore, Akademia e Shkencave dhe e Arteve e Kosovës është “nderuar” edhe nga anëtari korrespondent i saj, Dr. Arsim Bajrami, me mbi 20 gabime drejtshkrimore në disa fjali.
Si duket, Bajrami nuk di se si formohet shumësi i emrave të gjinisë mashkullore në gjuhën shqipe, duke u mbështetur në një shkrim që e ka publikuar në rrjetin “Facebook”.
“Të nderuar student, koleg dhe miq të dashur”- ka shkruar ish-ministri i Arsimit. Ai nuk i ka shkruar si duhet emrat “studentë” e “kolegë”, por këto nuk janë gabimet e vetme të ish-zyrtarit të lartë.
Bajrami e ka shkruar gabimisht edhe mbiemrin “disavjeçare”, duke e shkruar “disavjeqare”.
Më poshtë, e ka shkruar gabimisht edhe fjalën “jurisprudencë”, duke e shkruar “jurispodencë”.
E ka shkruar gabimisht edhe emrin “dënim”, duke e shkruar “denim”.
Bajrami nuk e ka shkruar mirë as mbiemrin “e përgjithshme”, duke e shkruar “e përgjithëshme”.
Nuk i ka shkruar në shumës, aty ku është dashur, mbiemrat “shtetërorë” dhe “ushtarakë”. E ka shkruar gabimisht edhe mbiemrin “ndërkombëtare”, duke e shkruar “ndërkombetare”.
Foljen “shërbyen” e ka shkruar “shërbyan”.
Emrin “kushtetutën” e ka shkruar “kushtetuten”.
Foljen “u shkatërrua” e ka shkruar “u shkatrrua”.
Foljen “u përgatit” e ka shkruar “u pregadit”.
Foljen “ka kryer” e ka shkruar “ka krye”.
Mbiemirn “franceze” e ka shkruar “frenqeze”.
Foljen “falënderoj” e ka shkruar “falenderojë.
I ka shkruar gabimisht edhe emrat “kolegët”, “bashkëpunëtorët”, “profesorët”, “studentët” dhe “ndihmën”, duke i shkruar “koleget”, “bashkëpuntoret”, “profesorët”, “studentet”, “ndihmen”./Nacionale
