Ukraina merr zemër nga paralajmërimet e Trumpit, dronët ukrainas godasin shënjestra në Rusi
Paralajmërimi i presidentit amerikan Donald Trump se do t’i pozicionojë nëndetëset bërthamore “më afër Rusisë”, duket se iu ka dhënë zemër ukrainasve.
Pas deklaratave të presidentit të ShBA-së, janë raportuar shpërthime dhe zjarre në disa rajone të Rusisë, të cilat kanë ardhur nga një valë sulmesh me dronë ukrainas, raporton REL.
Këto sulme janë konfirmuar edhe nga autoritet e Ukrainës.
Shërbimi i Sigurisë i Ukrainës ka njoftuar se më 2 gusht se dronët kanë goditur një bazë ajrore ku ruhen dronët Shahed në Primorsko-Aktarsk dhe bazën ushtarake Elektroprillad në Penza.
