Turqia thotë se 20 ushtarë i vdiqën nga rrëzimi i aeroplanit ushtarak në Gjeorgji
Turqia tha të mërkurën se 20 ushtarë të saj e humbën jetën, kur një aeroplan transportues ushtarak u rrëzua të martën në Gjeorgjinë fqinje, duke e shënuar incidentin ushtarak më vdekjeprurës të anëtares së NATO-s që nga viti 2020.
Aeroplani transportues i tipit C-130 ishte nisur nga Azerbajxhani për në Turqi dhe u rrëzua të martën në Gjeorgji, raporton agjencia e lajmeve “Reuters”.
Ankaraja nuk ka përmendur ndonjë shkaktar të rrëzimit të aeroplanit, por ka thënë se autoritetet turke dhe gjeorgjiane i kanë filluar inspektimet në vendin e ngjarjes, në komunën Sighnaghu të distriktit Kakheti.
Të mërkurën, Ministria e Mbrojtjes e Turqisë e publikoi listën me emrat e 20 ushtarëve që e kanë humbur jetën.
Azerbajxhani, Gjeorgjia, Gjermania, Shtetet e Bashkuara e vende të tjera shprehën ngushëllime dhe solidarizim me Turqinë pas këtij rasti. Ankaraja tha se është duke u koordinuar ngushtë me Azerbajxhanin dhe Gjeorgjinë në hetimin e rrëzimit.
CARGO PLANE CRASH 💥
— Ms_Harmony ツ (@Ms_Harmony58) November 11, 2025
C-130 military cargo plane, which took off from Azerbaijan to return home, began spiralling down before it crashed at the Georgia-Azerbaijan border.
They are used by Turkey’s armed forces for transporting personnel and handling logistical operations.
It… pic.twitter.com/LJqpMWWMPS
