Raportohet për të shtëna në kufirin mes Izraelit e Libanit dhe infiltrim të një të armatosuri
Raportohet se një shkëmbim zjarri ka ndodhur në kufirin verior të Izraelit me Libanin, afët qytezës veriore izraelite, Margaliot.
Trupat e ushtrisë izraelite janë duke e kontrolluar zonën, por nuk dhanë menjëherë hollësi të mëtejme.
Sipas raportimeve të mediave në gjuhën hebraike, një person i armatosur mund të jetë infiltruar brenda Izraelit, shkruan gazeta “The Times of Israel”.
Banorëve të qytezave të zonës u është thënë që të shkojnë në strehimore kundër bombave si masë parandaluese, edhe pse shumica tashmë janë evakuuar për shkak të sulmeve të përsëritura me raketa nga Libani.
