Presidenti i Lituanisë arrin pa paralajmërim në Kiev, njofton dy sisteme raketore "Nasams"
Presidenti i Lituanisë, Gitanas Nauseda, arriti të mërkurën në Kiev për një vizitë të paparalajmëruar, njoftoi ambasada e Lituanisë në Ukrainë.
Nauseda do të takohet me homologun ukrainas, Volodymyr Zelensky, dhe do të marrë pjesë në shënimin e 27-vjetorit të kushtetutës ukrainase, thuhet në një shkrim të ambasadës në "Twitter".
Gjatë fundjavës, Nauseda e komentoi kryengritjen e grupit "Wagner" në Rusi, duke shkruar në "Twitter": "Regjimi i Kremlinit e korr atë që e mbjell. E tërë dhuna drejtuar Ukrainës është kthyer bumerang."
Në një shkrim tjetër të mërkurën, ai njoftoi se Lituania do t'i dhurojë Ukrainës dy sisteme për mbrojtje ajrore të tipit "Nasams".
Lithuania has acquired two NASAMS launchers that will be transferred to Ukraine.
— Gitanas Nausėda (@GitanasNauseda) June 28, 2023
Air defense is key in 🇺🇦 fight against the aggressor.
Looking forward to more collective decisions on support to Ukraine at the #NATO summit in Vilnius.
Together until victory!
"Lituania ka siguruar dy raketahedhës NASAMS që do të dërgohen në Ukrainë. Mbrojtja ajrore është kyçe në luftën ukrainase kundër agresorit"- shkroi ai në "Twitter".
