Peshkatari nga Brazili u zhduk në ditën e Krishtlindjes, u gjet i gjallë në oqean dy ditë më vonë
Një peshkatar i cili u zhduk pasi u rrëzua nga një varkë në brigjet e Brazilit, është gjetur i kapur pas një sinjalizuesi në ujë. David Soares u shpëtua nga një peshkatar tjetër dy ditë pasi varka e tij u gjet duke notuar në Oqeanin Atlantik.
Soares tha për mediat lokale se ai ra nga varka e tij e peshkimit dhe notoi për katër orë para se të haste në një vozë mbi të cilën ishte në gjendje të ngjitej. Pasi e gjetën, ai u dërgua në spital, ku u trajtua për pak kohë për dehidratim.
Ai e la veten të notonte
Më 25 dhjetor, Soares shkoi për peshkim i vetëm nga plazhi Atafona në veri të Rio de Janeiro dhe rrëshqiti nga varka. Ai i tha medias braziliane G1 se "10 minutat e para ishin më të vështirat sepse ai donte të kthehej në anije me çdo kusht", por se rryma ishte shumë e fortë dhe ai nuk mund ta arrinte atë.
MILAGRE: Um pescador foi encontrado à deriva pendurado em uma boia de sinalização no mar em São João da Barra, no Norte Rio de Janeiro. Deivid Soares, de 43 anos, ficou desparecido por dois dias e foi encontrado por um amigo, que também é pescador @sbtrio pic.twitter.com/w330pEyQ6t
— Diego Sangermano (@disangermano) December 27, 2022
Kur e kuptoi se nuk do të mund të kthehej në varkën e tij, hoqi këmishën dhe pantallonat sepse e rëndonin dhe e la veten të notonte. "Uji ishte i trazuar dhe po frynte, kështu që vendosa të shkoj me rrymën për të përdorur më pak energji", tha ai.
Pas katër orësh, ai arriti në sinjalizuesin pranë portit të Açus dhe u ngjit në të.
"Mendova se do të ngrija deri në vdekje para se të vinte ndonjë ndihmë", kujton ai. U deshën dy ditë që ai të dallohej nga një nga kolegët e tij peshkatarë, i cili shkoi ta kërkonte pasi familja e tij ngriti alarmin. /Nacionale/
