Njoftohet vrasja e edhe një ushtari izraelit në Gazë
Një ushtar tjetër izraelit i Brigadës “Givati” të ushtrisë izraelite u vra të martën në Gazë, thonë autoritetet.
Këshilli Rajonal “Ramat Hanegev” tha përmes një deklarate se rreshteri Roi Sargosti nga Ha’Roa u vra gjatë luftimeve me Hamasin, raporton gazeta “The Times of Israel”.
Forcat e Mbrojtjes të Izraelit ende nuk e kanë shpallur emrin e këtij ushtari në listën e të vrarëve, sepse zakonisht pret që fillimisht të njoftohen të gjithë anëtarët e familjes.
Sargosti është ushtari i 13-të i Izraelit që vritet gjatë operacioneve tokësore të ushtrisë izraelite në Rripin e Gazës.
Më herët, autoritetet izraelite kishin njoftuar për vrasjen e nëntë ushtarëve, të gjithë të moshës së re – 19 deri 24 vjeç.
