Luanët e detit ndoqën njerëzit nga plazhi në Kaliforni

Video e kapur në një plazh në gjirin La Jolla të Kalifornisë në San Diego, ku u shfaqen luanët e detit duke ndjekur njerëzit nga plazhi, është bërë virale.

Videoja e postuar fillimisht në TikTok, raporton NBC, fillimisht shkaktoi shumë të qeshura dhe komente qesharake, por shkaktoi edhe shqetësim sepse tregon se sa afrohen njerëzit me këto kafshë të mëdha dhe i shqetësojnë ato.

NBC foli me Charlianne Yeyn, vajzën që ka xhiruar videon.“Fillova xhirimet sepse ishte qesharake të shikoja këta luanë të mëdhenj deti duke përzënë turistët”, tha Yeyna, e cila thotë se po vizitonte La Jolla të premten e kaluar kur vuri re se notarët po afroheshin shumë me luanët e detit.

"Luanët e detit po flinin në plazh. Unë po i shikoja, dhe më pas një grua iu afrua më pak se një metër e gjysmë dhe po përpiqej të bënte një foto nga afër. Më pas luani i detit u zgjua dhe filloi të ndiqte njerëzit", ajo tha.

Në video, dy luanë të detit mund të shihen duke lëvizur të shqetësuar në plazh ndërsa njerëzit ikin prej tyre, përpara se të tërhiqen përsëri në det dhe të largohen nga njerëzit. /Nacionale/