Izraeli thotë se gjatë bastisjes në spitalin e Gazës dërgoi edhe ushqim e furnizime mjekësore
Ushtria izraelite pretendon se gjatë bastisjes në spitalin kryesor të Gazës, “Al-Shifa”, ka dërguar ushqim për foshnja e furnizime mjekësore atje.
Një zëdhënës i ushtrisë izraelite, i cili publikon njoftime në gjuhën arabe, paraqiti dy fotografi në rrjetin X, ku shiheshin pako me mbishkrime në anglishte e arabishte, “Ushqim për foshnja” dhe “Furnizime mjekësore”, raporton gazeta “The Guardian”.
“Forcat e Forcave Mbrojtëse të Izraelit janë duke punuar në mënyrë të përqendruar në spitalin “Al-Shifa”. Këto veprime ndodhin brenda një kompleksi specifik përreth të cilit ka të dhëna të inteligjencës që e tregojnë praninë e akteve terroriste nga Hamasi dhe duke u bazuar në nevojën operacionale”- shkroi zëdhënësi i ushtrisë izraelite në gjuhën arabe, Avichay Adraee.
“Para hyrjes në spital, forcat tona u ballafaquan me mjete shpërthyese e celula sabotimi, dhe përleshjet shpërthyen, gjatë të cilave një numër i sabotuesve u vranë”- shtoi ai.
#عاجل تعمل قوات جيش الدفاع في هذه الساعة بشكل مركز في مستشفى الشفاء. تاتي هذه الاعمال داخل مجمع محدد توجد حوله معلومات استخبارية تؤشر الى وجود أعمال ارهابية لحماس وبناء على ضرورة عملياتية.
— افيخاي ادرعي (@AvichayAdraee) November 15, 2023
قبل الدخول الى المستشفى واجهت قواتنا عبوات ناسفة وخلايا تخريبية واندلعت اشتباكات قتل… pic.twitter.com/7HjzhAKEll
“Forcat e Forcave Mbrojtëse të Izraelit shpërndanë pajisje mjekësore, inkubatorë dhe ushqim për foshnja nga Shteti i Izraelit për spitalin “Al-Shifa”- shkroi më tej zëdhënësi i ushtrisë izraelite.
“Ekipet mjekësore të Forcave Mbrojtëse të Izraelit, që po punojnë në terren, flasin arabisht për t’u siguruar që furnizimet t’u dërgohen atyre që kanë nevojë për to”- thuhet në fund të shkrimit të zëdhënësit izraelit në rrjetin X.
