Elon Musk tregon se cilën parti do ta votojë në zgjedhjet e ardhshme presidenciale amerikane
Miliarderi Elon Musk, njeriu më i pasur në botë dhe drejtori ekzekutiv i Tesla, tha sot se deri më tani ka votuar për demokratët, por se do të votojë për republikanët në të ardhmen.
Demokratët janë bërë "një parti e ndarjes dhe urrejtjes, kështu që unë nuk mund t'i mbështes më ata dhe do të votoj për republikanët", shkroi Musk në Twitter.
"Tani shikoni fushatën e tyre të pistë kundër meje që do të shpaloset", shkroi ai.
Në procesin e blerjes së Twitter
Musk është në procesin e blerjes së Twitter për 44 miliardë dollarë.
Pesëdhjetë vjeçari Musk kohët e fundit tha se beson se vendimi i Twitter për të ndaluar hyrjen e ish-presidentit Donald Trump në rrjetin social ishte "moralisht i keq".
Ai njoftoi se do ta ndryshonte atë kur të bëhej pronar.
Vitin e kaluar, selia e Teslës u zhvendos nga Kalifornia liberale në Teksasin më konservator politik dhe vetë Musk u zhvendos në atë shtet, ku nuk ka taksë mbi të ardhurat shtetërore. /Nacionale/
