E shkeli me dy këmbë flamurin e Kosovës në shesh, arrestohet qytetari nga Tirana
Një qytetar nga Tirana është arrestuar nga Policia e Kosovës pasi është parë duke shkelur me këmbë Flamurin e Republikës së Kosovës para ndërtesës së Kuvendit.
Gjatë këtij veprimi, qytetari deklaroi se veprimi i tij ishte një akt simbolik “patriotik” në mbështetje të bashkimit kombëtar, duke shtuar se ai nuk e njeh flamurin shtetëror të Kosovës.
Ngjarja shkaktoi reagime të menjëhershme në shesh, ku një qytetar tjetër ndërhyri dhe i mori flamurin, duke e larguar nga këmbët e tij.
Policia e Kosovës ka konfirmuar për Gazetën Nacionale se personi është shoqëruar në stacionin policor dhe po merren veprimet e nevojshme ligjore lidhur me rastin.
