Zyrtare: Milani nënshkruan me Noah Okafor - NACIONALE
NACIONALE

Zyrtare: Milani nënshkruan me Noah Okafor

3 vjet më parë

nga NACIONALE

Sulmuesi zviceran, Noah Okafor, edhe zyrtarisht ka kaluar në radhët e Milanit, duke u transferuar nga RB Salzburg me një marrëveshje afatgjate, që e mbanë atë në San Siro deri në verën e vitit 2028.

23-vjeçari ka qenë në radarin e shumë skuadrave evropiane, por Milani është emri më i madh nga skuadrat që i kanë dhënë mundësi sulmuesit t’i tregojë cilësitë e tij.

Sipas Fabrizio Romanos, kuqezinjtë kanë paguar afro 14 milionë euro për të siguruar shërbimet e sulmuesit zviceran, teksa do të marrë 2,2 milionë euro në sezon për pesë vite qëndrim te Milani.

Okafor është një sulmues që përshtatet pothuajse në të gjitha pozitat, por më shumë në Salzburg ka luajtur si qendërsulmues.

Reprezentuesi i Kombëtares së Zvicrës iu bashkua skuadrës austriake në janar të vitit 2020 nga Basel dhe që nga atëherë ka shënuar 34 gola në 110 paraqitje.

Për Milanin, ky është transferimi i gjashtë në këtë afat kalimtar, pasi më parë kanë arritur të sigurojnë shërbimet e Loftus-Cheek, Pulisic, Luka Romeros, Sportiellos dhe Reijnders, teksa është larguar ylli italian Sandro Tonali, që u transferua te Newcastle Unitedi për një shifër relativisht të lartë.

Kuqezinjtë nuk e kanë ndërmend të ndalen këtu, pasi janë duke synuar edhe yllin e Villarrealit, Chukwuezen.

Tjera:

Lajme të ngjashme