Ylli i NBA-së dhe fituesi i medaljes së artë me ShBA-të blen aksione në PSG
Katër herë medalisti i artë i Lojërave Olimpike dhe kampion i NBA-së, Kevin Durant, është bërë investitor te Paris Saint-Germain, duke blerë aksione pakicë, që akoma nuk është zbuluar shifra.
PSG ka një fytyrë të famshme për markën e saj, me Durant që njofton për blerjen e një pjese të vogël të pronësisë së klubit, sipas raportimeve të shumta të hënën. Klubi, i cili zotërohet kryesisht nga Katari Sports Investors (QSI), lejoi investimet amerikane në fund të vitit të kaluar, duke shitur 12.5 për qind te Arctos Partners.
Vlera aktuale e klubit në tërësi është 4.25 miliardë euro.
Ky nuk është investimi i parë i Durant në sport. Ylli i NBA ka pesë për qind të aksioneve në skuadrën e MLS, Philadelphia Union, dhe është pronar i pakicës i kampionëve në fuqi të NWSL, Gotham.
Investimi i tij pason një rritje të lojtarëve të famshëm të NBA që përfshihen në futboll. Lebron James investoi në Liverpool në vitin 2012, ndërsa James Harden është bashkëpronar i Houston Dynamo. Legjendat në pension Magic Johnson dhe Steve Nash gjithashtu kanë investuar në këtë sport - brenda dhe jashtë vendit.
Ylli i Suns shprehu admirimin e tij për objektet parisiene pasi vizitoi terrenin e ri stërvitor të klubit në fillim të kësaj jave në një video të sponsorizuar nga klubi, duke thënë "kjo është e bukur. Jam mirënjohës që jam këtu".
Edhe pse marrëveshja ende nuk është shpallur e plotë, ajo pritet të zbulohet në ditët në vijim – me yllin e NBA-së duke zgjeruar portofolin e tij tashmë të pasur sportiv.
Tani për tani, Durant meriton një pushim të gjatë pasi ai luajti çdo lojë për ekipin e ShBA-ve në Lojërat Olimpike të Parisit, duke i çuar ata drejt një medalje ari.
