Varane shpjegon si Fabregas e bindi për t’iu bashkuar Comos

Mbrojtësi Raphael Varane e ka pranuar se Cesc Fabregas luajti rol të rëndësishëm për ta bindur t’i bashkohet klubit italian Como.

Francezi befasoi të gjithë duke nënshkruar për klubin e sapo promovuar në Serie A, pas një karrierë të bujshme në top gjigantët evropianë si Real Madrid e Man Unitedi.

I pyetur se pse zgjodhi Comon, Varane tregoi se ka mbetur i befasuar nga projekti.

“Çfarë më bindi ishte projekti në përgjithësi. Ishte projekt interesant, por mundësi për ta ndihmuar klubin. Ambicia personale ishte të vija këtu dhe të provoja një sfidë të re, të mësoj nga kjo”.

“Sigurisht Cesc ishte shumë i rëndësishëm në proces, por është sfidë e re dhe ka shumë elemente që kërkohen që të jem këtu”.

“Më pëlqeu filozofia e tij, idetë që propozoi sepse atë e bëjmë gjithmonë, pra kemi shumë ide të përbashkëta”.

“Cesc është dikush që i pëlqen të fitojë, prandaj nuk ka shumë për të thënë”, deklaroi ai.

Varane përndryshe ka fituar katër herë Ligën e Kampionëve dhe Kupën e Botës në vitin 2018 me Francën.