Todd Boehly nuk heq dorë, Chelsea vazhdon negociatat me Benfican për Fernandez
Chelsea po vazhdon bisedimet me Benfican për nënshkrimin e mesfushorit argjentinas Enzo Fernandez.
Fituesi 21-vjeçar i Kupës së Botës, i cili iu bashkua klubit portugez në gusht, ka një klauzolë lirimi prej rreth 106 milionë funte.
Nëse Chelsea do të pranonte këtë shumë, do ta tejkalonte tarifën e tyre ekzistuese rekord prej 98 milionë funtesh të paguara për Romelu Lukaku dhe do t'i shtohej totalit rekord prej rreth 270 milionë funtesh të shpenzuara nga pronari i ri Todd Boehly që nga vera e kaluar.
Diskutimet janë duke vazhduar për vlerën e çmimit dhe strukturën e marrëveshjes.
Interesi i Chelseat për Fernandez vazhdon një politikë të fundit të blerjes së lojtarëve të rinj me shpresën se vlera e tyre do të ruhet gjatë kontratave të gjata.
Boehly deri me tani ka blerë - mesfushorin e Aston Villas, Carney Chukwuemeka, 19 vjeç, për 20 milionë funte në verë dhe muajin e kaluar ra dakord për një marrëveshje parakontrate me sulmuesin 20-vjeçar të Molde FK, David Datro Fofana.
Por pagimi i më shumë se 100 milionë funte për ish-lojtarin e River Plate do të ishte një shpenzim i madh për Boehly, i cili është ende i përfshirë në negociata, por është ndihmuar nga drejtori i ri teknik Christopher Vivell.
Lëvizja për Fernandez po bëhet pasi ka dyshime se dyshja mesfushorë Jorginho dhe N’Golo Kante mund të larghen në verë, pasi u skadon kontrata.
Kante ka bërë vetëm dy paraqitje këtë sezon për shkak të lëndimit, por thuhet se francezi ka një shans të mirë për të fituar një marrëveshje të re, kurse e ardhmja e Jorginhos së Italisë është më pak e qartë.
Chelsea renditet e teta në Premierligë shtatë pikë jashtë vendeve të Ligës së Kampionëve dhe me një fitore në pesë ndeshjet e fundit në të gjitha garat. Ata janë pa fitore në pesë ndeshjet e tyre të fundit si mysafir në Premierligë.
