“Ta udhëheqësh një skuadër si PSG-ja nuk është lehtë” – Kahn thotë se Tuchel tashmë ka treguar cilësitë e tij
Drejtori ekzekutiv i Bayern Munich, Oliver Kahn, ka thënë se Thomas Tuchel tashmë ka treguar veten e tij si një trajner i kalibrit të lartë, duke përmendur faktin se i njëjti ka udhëhequr një skuadër si Paris Saint-Germain drejt sukseseve.
Tuchel u emërua si trajner i Bayernit këtë javë pasi klubi i Bundesligës shkarkoi Julian Naglesmann. 49-vjeçari ka shijuar deri më tani rrugëtimin e tij me skuadra si Borussia Dortmund, PSG e Chelsea, duke i çuar drejt titujve. Ai udhëhoqi kampionin francez drejt finales së Ligës së Kampionëve në vitin 2020, një arritje që skuadra franceze me shpenzime të mëdha nuk ka mundur ta përsërisë, ndërsa ai gjithashtu fitoi trofeun me Chelsean.
Gjatë prezantimit të tij, Kahn iu referua trazirave pothuajse të vazhdueshme në Parkun e Princave midis trajnerëve, lojtarëve dhe drejtuesve të lartë, duke thënë se ai është i impresionuar nga mënyra se si Tuchel drejtoi në PSG.
“Nuk duhet të diskutoni për cilësitë e tij, ato janë mbresëlënëse”, tha Kahn në një konferencë për shtyp. "Karriera e tij është gjithashtu një dëshmi për këtë. Të drejtosh një skuadër si PSG nuk është e lehtë. Ai i çoi ata në finalen e Ligës së Kampionëve. Gjithashtu te Chelsea ai punoi me shumë sukses që nga dita e parë. Është një CV mbresëlënëse. Gjithmonë ka një zhvillim personal, kjo është arsyeja pse ne jemi shumë të lumtur që Thomas Tuchel është tani trajneri ynë."
.jpg?format=jpg)
Bayern e eliminoi PSG-në nga Liga e Kampionëve këtë sezon, duke fituar 3:0 në total përpara se Nagelsmann të shkarkohej. Tuchel ka marrë për detyrë ta çojë Bayernin më tej në këtë garë pasi ata përballen me Manchester Cityn në çerekfinale, ndërsa janë gjithashtu në garë për të fituar Bundesligën.
