Ramos ende nuk është 'një i përfunduar', ish-ylli i Real Madridit poston pamje nga stërvitje të forta (VIDEO)
Sergio Ramos mund të jetë një lojtar pa skuadër por puna e madhe asnjëherë nuk mungon nga ai. Ai ka postuar pamje nga një seancë stërvitore mjaft e fortë, me të cilën po tenton ta mbajë vetën në formë derisa të gjejë një klub për sezonin 2023/24.
Mbrojtësi spanjoll u largua nga Paris Saint-Germain pasi kontrata e tij me klubin skadoi në qershor. Ramos tani është një lojtar i lirë dhe po kërkon një klub të ri përpara sezonit të ri. Ai nuk do të lërë gurë pa lëvizur ndërsa përpiqet të arrijë në gjendjen më të mirë fizike pas periudhës së tij të lëndimeve në Parkun e Princave.
Ramos postoi një sërë videosh në një postim në Instagram, ku shihet duke shtyrë kufijtë e tij në palestër duke bërë stërvitje me intensitet të lartë të qëndrueshmërisë dhe kalistenik (ushtrime pa pesha në palestër).
Edhe pse kishte zëra se 37-vjeçari mund të kthehej në Spanjë për t'iu bashkuar klubit të tij të fëmijërisë, Sevilla, nënkryetari i klubit andaluzian, Jose Maria del Nido Carrasco, i hodhi poshtë pretendimet e tilla. Ramos ka qenë gjithashtu i lidhur me një lëvizje në Al Ahli të Arabisë Saudite, por ende nuk ka pasur bisedime zyrtare.
E ardhmja e Ramos është në ajër dhe mbetet për t'u parë nëse ai me të vërtetë do të shkojë në Lindjen e Mesme. Legjenda spanjolle tashmë ka varur këpucët e tij nga futbolli ndërkombëtar, por mbetet i vendosur të vazhdojë të luajë akoma futboll në nivel klubesh.
