Paneli i pavarur i incidenteve në ndeshjet kryesore të Premierligës thotë se goli i Newcastle ndaj Arsenalit ishte i rregullt
Paneli i Pavarur i Incidenteve të Ndeshjeve kryesore të Premierligës ka thënë se vendimi për të pranuar golin e Newcastle Unitedit ndaj Arsenalit ishte korrekt, në fitoren e ‘Laraskave’ 1:0 ndaj Topçinjve, por që ata shtuan se dy kartonë të kuq do të duhej të ishin dhënë.
Trajneri i Arsenalit, Mikel Arteta ishte i zemëruar që goli i fitores së Anthony Gordon u lejua të qëndronte nga gjyqtari Stuart Attwell, me tre kontrolle të veçanta t[ë VAR për topin jashtë lojës, një faull ndaj Gabriel nga Joelinton dhe pozitë jashtë loje kundër golashënuesit. Në të tre kontrollet, gjyqtari në VAR, Andy Madley, nuk mundi të gjente prova përfundimtare të një shkeljeje.
Arsenali si klub dyfishoi kritikat e tyre ndaj gjyqtarit të dielën, duke lëshuar një deklaratë në mbështetje të Artetës.
Gjetjet e panelit, të parë nga ESPN, thanë në një votim se "megjithëse Joelinton ka duart e tij mbi Gabriel, nuk ka mjaftueshëm shtytje për të dhënë një faull pasi Gabriel kishte bërë një veprim për të luajtur topin përpara çdo kontakti," përderisa gjithashtu mbështeti pikëpamjen, se nuk kishte prova të mjaftueshme për të anuluar golin për dy veprat faktike.
Megjithatë, paneli ishte unanim se Kai Havertz duhej të ishte përjashtuar për Arsenalin në minutën e 36-të për ndërhyrjen e tij ndaj Sean Longstaff pasi ishte "një sfidë shumë e rrezikshme dhe lloji i ndërhyrjes që duhet të mos jetë e pranishme në lojë" -- një vendim që do të kishte ndryshuar drejtimin e lojës.
Krahu i Bruno Guimarães në kokën e Jorginhos së Arsenalit në minutën e 45-të ishte gjithashtu një karton i kuq i humbur, sipas panelistëve.
Paneli ka pesë anëtarë, i përbërë nga tre ish-lojtarë dhe/ose trajnerë, plus një përfaqësues nga Premierligë dhe PGMOL. Ai u krijua në fillim të sezonit të kaluar për të dhënë një vlerësim të pavarur të vendimmarrjes në vend që të mbështetej në pikëpamjet e PGMOL ose të vetë klubeve. Vendimi synon të sigurojë një vlerësim të plotë të, të gjitha incidenteve të mëdha të ndeshjes.
