Pamje: Ylli i Chelseat Mudyrk e tall një tifoz i cili tentoi ta mësonte ukrainasin si të manovronte me topin
Ylli i Chelseat, Mykhailo Mudryk, e ka tallur një tifoz në rrjetet sociale me anë të një komenti sarkastik, pasi tifozi tentonte ta mësonte ukrainasin si të manovronte me topin.
Ukrainasi, i cili iu bashkua Chelseat nga Shakhtar Donetsk për 105 milionë euro në janar, ka hasur në probleme të mëdha për të gjetur formën e tij në Stamford Bridge. Në përgjigje të një prej postimeve të fundit të Mudryk në Instagram, një tifoz i kërkoi atij të punonte në aftësitë e tij të driblimit në mënyrë që të kishte një ndikim më të madh sezonin e ardhshëm. 22-vjeçari iu kundërpërgjigj komentit të mbështetësit pasi ai nuk ishte në humor për këshilla në rrjetet sociale.
Tifozi komentoi: "Vëlla mësoni të bëni rrotullime 360 shkallë me topin, kjo do t'ju ndihmojë të ndryshoni drejtimin dhe të jeni të paparashikueshëm. Vrapimi me topin në një drejtim nuk është mjaft i mirë.”
Mudryk më pas u përgjigj me sarkazëm: "Pse nuk e ke fituar akoma Topin e Artë?"
Mudryk nuk ka shënuar ende një gol me skuadrën e Chelseat dhe ka dhënë vetëm dy asistime në 15 paraqitje në ligë. Paraqitja e anësorit ishte reflektim i një sezoni të vështirë 2022-23 për Chelsean në tërësi, me dy ndryshime të trajnerëve që çuan në një përfundim zhgënjyes në vendin e 12-të në Premierligë. Kjo nuk është hera e parë që Mudryk u kritikua, megjithatë, siç tha ai për Sky Sports në prill: "Është shumë presion, por nuk është hera e parë. Më pëlqen ky presion sepse një ditë ai djalë që tha se unë: "Unë jam një humbës, një ditë ai do të thotë se jam fitues. Koha do ta tregojë këtë."
Mudryk mbetet i vendosur të kthejë fatin e tij në Londër në sezonin 2023-24, ndërsa Chelsea kërkon të rigrupohet dhe përmirësohet nën urdhrat e trajnerit të ri, Mauricio Pochettino.
