Pamje të frikshme: Messi me shokë shpëtojnë për pak nga rrëzimi prej autobusit gjatë festës
Lionel Messi me disa bashkëlojtarë kanë shpëtuar për pak nga rrëzimi prej autobusit të hapur gjatë paradës me trofeun e Kupës së Botës nëpër rrugët e kryeqytetit argjentinas Buenos Aires të martën.
Fituesja e Kupës së Botës, Argjentina, është mirëpritur nga një turmë tejet e madhe në aeroportin e Buenos Aires pas rikthimit nga Katari, ndërsa dita e martë është shpallur ditë pushimi në vend.
Ekipi kombëtar, i cili e mposhti Francën në finalen e së dielës, ateroi në atdhe në orën 2:24 të mëngjesit sipas kohës lokale.
Mijëra tifozë i mbushën rrugët e kryeqytetit për ta përshëndetur ekipin kombëtar që parakaloi me autobus të hapur rrugës për në selinë e Federatës së Futbollit të Argjentinës.
Në një video të publikuar në rrjetet sociale, Messi, Leandro Paredes, Angel Di Maria dhe disa të tjerë shihen duke u detyruar të kërrusin shpinën dhe kokën shpejt në çastet e fundit nën një kabllo të rrymës që duket se nuk e kishin vërejtur.
Ata rrezikuan të bien nga autobusi për shkak të kabllos së rrymës që e vërejtën me vonesë.
WATCH: #BNNArgentina Reports
— Gurbaksh Singh Chahal (@gchahal) December 20, 2022
During a championship run through the streets of #BuenosAires, Argentina's national team stars #Messi, #DePaul, #Otamendi, #Paredes, and #DiMaria nearly fell off the roof of a bus, oblivious to the thick cable as they paraded their #WorldCup win. pic.twitter.com/YuqrvgWL7H
Ishte mesfushori i Atletico Madridit Ridgrigo de Paul ai e që e vërejti kabllon në çastet e fundit dhe i njoftoi bashkëlojtarët për t’u kërrusur.
Festa kryesore e lojtarëve argjentinas do të bëhet te monumenti Obelisk në kryeqytet të martën në orën 16:00.
Qeveria argjentinase tha se e marta do të jetë ditë pushimi, në mënyrë që tifozët të mundë ta shfaqin gëzimin e tyre më të madh për ekipin kombëtar.
Lionel Messi e priu ekipit për të dalë nga aeroplani, i cili barte një fotografi të tij në bishtin e vet.
