Pamje: “Duhet të paguani për të bërë foto” – Guardiola kthen përgjigje qesharake pasi u dënua në trafik

Trajneri i Manchester Cityt, Pep Guardiola, ishte pjesë e një momenti qesharak në rrugët e qytetit, kur iu dha një dënim për parking ilegal për ta paguar, me spanjollin që në formë qesharake refuzoi të bënte foto me personin duke i thënë se duhet të paguash për ta bërë atë.

Guardiola e gjeti veten në anën e gabuar të ligjit pasi la automjetin e tij në vija të dyfishta të verdha. Ai tani duhet të paguajë një gjobë, megjithëse kjo nuk duhet të jetë shumë telashe për një njeri që punon me një kontratë prej 379,000 £ në javë në Etihad Stadium.

Guardiola ishte në gjendje të qeshte nga pakujdesia e tij pasi u përball me një kujdestar trafiku kur u kthye te makina e tij e parkuar ilegalisht. Pasi iu kërkua një selfie, trajneri katalanas tha: “Doni një foto? Ju duhet të paguani për foton!”

Guardiola, i cili ka kaluar shtatë vjet te City dhe është i lidhur me një marrëveshje deri në vitin 2025, i udhëhoqi qytetarët drejt një triumfi historik në Ligën e Kampionëve, Premierligës dhe FA Kupës, pra tripletë sezonin e kaluar – me Superkupën UEFA-së të shtuar në koleksionin e tij të trofeve me të nisur ky sezon.

City ka marrë pikët maksimale nga dy ndeshjet e tyre hapëse në 2023-24 – duke e mposhtur Burnleyn dhe Newcastlen – dhe do të rikthehet në aksion të dielën kur të marrë një udhëtim te Sheffield United i sapopromovuar.