NBA: Lakers triumfojnë me mjaft mund ndaj Pelicans, Giannis ia siguron fitoren e shtatë radhazi Milwaukees
Mbrëmja e kaluar ishte përplot aktivitet në NBA, atje ku u zhvilluan 11 ndeshje. LA Lakers arriti që me mjaft mund ta mposhtë New Orleans Pelicans me rezultat 120:117, ndërsa Giannis Antetokounmpo nuk po ka të ndalur dikur fituar me skuadrën e tij Milwaukee Bucks edhe ndeshjen e shtatë përball Detroit Pistons 116:91.
Padyshim që një nga ndeshjet më të mira të mbrëmjes ishte ajo mes Lakers e Pelicans e zhvilluar në Staples Center të Kalifornisë, me vendasit që pas pesë humbjeve radhazi, tani kanë hyrë në një seri prej dy fitoreve, duke çuar rekordin në pesë humbje e dy fitore.
Në anën tjetër New Orleans ishte diç më mirë, por me humbje shkojnë te rekordi katër fitore e tre humbje.
Sa i përket ndeshjes, Pelicans ishin më të mirë në çerekun e parë, tretë dhe të katërt, por pikët e shumta të shënuar të Lakers në të vetmin çerek fitues (të dytin) ia mundësuan atyre vazhdimet, ku në fund me një diferencë prej tre pikëve, 120:117 triumfuan.
Lojtari më i dalluar te vendasit ishte Anthony Davis me 20 pikë të shënuara, 16 rebounds, katër asistime dhe katër bllokada. Numër të njëjtë shënoi edhe LeBron James, i cili ishte afër dyshifrorit të trefishtë me 20 pikë, 10 rebounds e tetë asistime.
Në anën tjetër Zion Williamson dhe CJ McCollum shënuan nga 27 e 22 pikë respektivisht, por të pamjaftueshme që ta marrin fitoren e pestë sezonale.
Milwaukee në anën tjetër kundërshtar e pati Detroitin, skuadër të cilën e dominoi në secilën pjesë të lojës, në fund për të triumfuar me 25 pikë epërsi, 116:91.
Kjo ishte fitorja e shtatë për Bucks në po aq ndeshje dhe vazhdon të mbetet skuadra e vetme pa humbje në NBA, ndërsa Pistons pozicionohen në fund të tabelës së konferencës lindore me një rekord negativ prej dy fitoreve e shtatë humbjeve.
Antetokounmpo padyshim që ishte më i miri si në çdo ndeshje të skuadrës së tij, e kësaj radhe në fitore kontribuoi me 32 pikë, 12 rebounds, katër asistime, pesë topa të vjedhur e dy bllokada, teksa pati ndihmën edhe të Jrue Holiday me 26 pikë të shënuara.
Ndeshjet tjera të zhvilluara gjatë mbrëmjes
Philadelphia 76ers 111:121 Washington Wizards;
Miami Heat 110:107 Sacramento Kings;
New York Knick 99:112 Atlanta Hawks;
Cleveland Cavaliers 114:113 Boston Celtics;
Houston Rockets 101:109 LA Clippers;
San Antonio Spurs 100:143 Toronto Raptors – humbja më e thellë e mbrëmjes;
Chicago Bulls 106:88 Charlotte Hornets;
Dallas Mavericks 103:100 Utah Jazz;
Portland Trail Blazers 106:111 Memphis Grizzlies.
