Mourinho i kërkoi të punonte me të te Roma, legjenda Totti jep përgjigje pozitive kërkesës së 'Special One'
Legjenda e Romës, Francesco Totti, ka dhënë përgjigje pozitive ndaj kërkesës së Jose Mourinhos, ku portugezi i kërkoi të kthehej në klub, tani në një rol tjetër.
Raportet e fundit nga gazeta La Repubblica pohuan se Special One do të donte që ish-kapiteni legjendar i Romës të kthehej në Stadio Olimpico për të vepruar si 'zëri i klubit'.
Mourinho është ankuar shpesh se ai është i vetmi person në Romë përgjegjës për t'iu drejtuar mediave kur bëhet fjalë për vendime të diskutueshme, gjë që i ka sjellë atij një sërë ndalimesh dhe gjobash gjatë kohës së tij me verdhekuqtë. Roli i sugjeruar i Tottit do të lehtësonte një pjesë të asaj përgjegjësie.
Totti, i cili mori pjesë në çmimet italiane Padel në Foro Italico në Romë të enjten, u pyet nga gazetarët nëse kishte ndonjë të vërtetë në raportimet dhe nëse ai do të kthehet te Roma e tij e dashur.
Ai u përgjigj: “Kam parë historitë që janë shkruar. Mourinho më ka thënë diçka, të presim të shohim se çfarë do të ndodhë”.
Më pas, i pyetur nëse vërtet mund ta shihnim atë në Olimpico sezonin e ardhshëm, Totti dha një përgjigje edhe më inkurajuese. "Vitin e ardhshëm, unë mund të jem tashmë atje," i tha ai shtypit.
Totti apre al ritorno: 'Mourinho ha detto una cosa, ora vediamo. E su Spalletti...' https://t.co/FzPcw5Gmot pic.twitter.com/6rjWlfPHuc
— calciomercato.com (@cmdotcom) September 14, 2023
