Milito: Haaland ka nevojë për asiste, Mbappe krijon rastin për gol nga asgjë
Legjenda e Interit, Diego Milito, ka thënë fjalën e tij në debatin se cili nga Erling Haaland e Kylian Mbappe është më i mirë, dhe si duket ai ka më shumë pëlqim për francezin për të cilin thotë se ai krijon golin nga asgjë, ndërsa norvegjezi ka nevojë gjithnjë për asistime.
Ish-sulmuesi i Interit sugjeroi se ai preferon Mbappe mbi Haaland pasi francezi ka aftësinë për të krijuar gola për veten e tij, ndërsa sulmuesi i Manchester City ka nevojë për asistime për të shënuar gola.
Duke folur për La Gazzetta dello Sport , Milito tha: "Duke nisur nga vetja, gjithmonë më kanë pëlqyer më shumë lojtarët që mund ta zgjidhin një rast duke e krijuar vet. Dikush si Haaland, i cili është thjesht shkatërrues, gjithmonë ka nevojë për asistime nga shokët e tij. Mbappe Nga ana tjetër, nganjëherë golin e ndërton vetë, nga hiçi, por në të njëjtën mënyrë di të japë asistime dhe të gjejë gola.
.jpg?format=jpg)
"Ndoshta francezi, për shpërthimin e tij si panterë, ka diçka nga Ronaldo "Fenomeni", i cili për mua pas Messit është më i madhi nga të gjithë. Në anën tjetër, struktura fizike e norvegjezit të bën të mendosh, në vend të kësaj, për qendërsulmues të tjerë të përmasave: një Vieri në Itali apo një Martin Palermo në Argjentinë. I fuqishëm dhe i pabesueshëm brenda zonës së penalltisë. Haaland e solli këtë model në një epokë të re dhe një dimension të ri."
.jpg?format=jpg)
Trajneri i Manchester Cityt, Pep Guardiola, gjithashtu kishte përmendur se ylli i tij ka nevojë që shokët e tij të asistojnë për të shënuar gola, kur e krahasojnë atë me Lionel Messin dhe sugjeroi se argjentinasi është përtej çdo krahasimi.
Të dy yjet aktualisht janë duke udhëhequr garën e Këpucës së Artë në ligat e tyre përkatëse. Ndërsa Mbappe ka shënuar tetë gola në po aq ndeshje në Ligue 1, Haaland ka shënuar 14 herë në tetë ndeshje të Premierligë deri më tani.
