Milani zhgënjen përsëri, turpërohet në San Siro nga Sassuolo

Milani ka hyrë në krizë të thellë të rezultateve. Këtë e ka konfirmuar humbja e thellë nga Sassuolo sot me rezultat 5:1, kështu duke humbur edhe pozitën e dytë në Serie A.

Kjo është humbja e tretë radhazi me rezultat të thellë dhe ndeshja e gjashtë pa fitore për kuqezinjtë në të gjitha garat.

Futboll / Pamje: Sassuolo po e turpëron Milanin

Pjesa e parë e ndeshjes ishte tregues i qartë se Milani ende nuk kishe tejkaluar problemet e mëdha.

Të drejtuarit e Stefano Piolit shënuan të parët me anë të Olivier Giroud, por goli u anulua nga VAR-i.

Nga aty filloi rënia e kampionit të Serie A-së. Ishte Gregoire Defrel që shënoi golin e parë të takimit në minutën e 19-të për të hapur serinë e golave për mysafirët.

Tre minuta më vonë shënoi Davide Frattesi për 2:0, pas asistimit të Domenico Berardit.

Milani arriti ta ngushtonte epërsinë në 2:1 me anë të Giroud në mintën e 24-të, por kaq për pjesë të parë.

Sassuolo shënoi edhe një herë deri në përfundim të 45 minutave të para. Ishte Berardi që tani u shënua në listën e golashënuesve për rezultatin 3:1 në minutën e 30-të.

Me këtë rezultat skuadrat shkuan në pushim e mes pjesëve.

Me të filluar pjesa e dytë, kapiteni i Milanit, Calabria, shkaktoi penallti në Armand Lauriente, i cili vetë mori përgjegjësinë dhe e konvertoi në gol goditjen nga 11 metra për rezultatin 4:1.

VAR anuloi edhe një gol për Milanin, kësaj radhe ishte shënues Ante Rebic, por pozita jashtë loje ishte shumë e dukshme.

Turpërimin e kuqezinjve e vulosi Matheus Henrique që shënoi për 5:1 pas asistimit të Berardit.

Krejt çka Milani arriti të bënte deri në fund ishte të shënonte edhe një gol. Divock Origi shënoi për rezultatin përfundimtar 5:2.

Me këtë humbje, Milani nga pozita e dytë kalon në të katërtën, prapa Interit me dy pikë dhe prapa Atalantës me pikë të barabarta, ndërsa Sassuolo me tre pikët shumë të vlefshme ik sado pak nga zona e rrezikshme me 20 pikë të grumbulluara në 20 ndeshje.