Liverpooli mposhtet nga Union St.Gilloise, Roma pavarësisht fitores përfundon në vend të dytë
Liverpooli i Jurgen Klopp është mposhtur Union St.Gilloise në ndeshjen e fundit të fazës grupore të Ligës së Evropës me rezultat 2:0, por të kuqtë tashmë kishin siguruar vendin e parë dhe kalimin në fazën e eliminimit direkt. Në anën tjetër, fitorja 2:0 e Romës nuk ka mjaftuar që skuadra e Jose Mourinhos ta marrë vendin e parë, pasi Slavia e Prahës ka fituar gjithashtu.
Të kuqtë me katër fitore e dy humbje kështu e përmbyllin suksesshëm fazën grupore, për të shkuar tutje në këtë garë, teksa prijnë edhe në Premierligë. Roma si vend i dytë do të kualifikohet në play-off të 1/16 së finales, ku do ta presë njërin nga vendet e treta të Ligës së Kampionëve.
Union St.Gilloise - Liverpool
Klopp në këtë ndeshje hyri me pothuajse të gjithë lojtarët që nuk kanë pasur minuta të mjaftueshëm deri më tani, dhe pritej një rezultat jo i mirë, duke parë edhe moshën e lojtarëve në fushë.
Të gjitha golat e takimit u shënuan brenda pjesës së parë.
Ishte Amoura që gjeti golin e epërsisë për vendasit në minutën e 32-të.
Liverpooli u kundërpërgjigj shpejt me anë të Quansah, kur barazuan në 1:1 në minutën e 40-të.
Puertas Castro shënoi për rezultatin përfundimtar 2:1, pak minuta para se të përfundojë pjesa e parë.
Liverpooli me 12 pikë shkon në 1/8 e finales direkt, ndërsa Union St.Gilloise do ta vazhdojë rrugën në 1/16 e Ligës së Konferencës.
Roma - Sheriff
Roma e Jose Mourinhos kishte nevojë për fitore por edhe për një humbje në anën tjetër të Slavia Prahës, me kushtin e parë që u plotësua pasi mposhtën Sheriffin 3:0, por Slavia fitoi ndaj Servettes, dhe kështu romakët kënqen me vetëm vendin e dytë.
Romelu Lukaku hapi serinë e golave, kur shënoi për 1:0 në minutën e 11-të. 21 minuta më vonë Andrea Belotti shënoi për ta dyfishuar epërsinë.
Për rezultatin përfundimtar u kujdes i riu Nicolo Pisilli, që në minutat shtesë të takimit shënoi për 3:0.
Me katër fitore, një barazim dhe një humbje, Roma me 13 pikë përfundon në vendin e dytë dhe siç thotë rregulli, nga kjo pozitë kualifikohet vetëm në play-off të 1/16 së finales, ku do ta presë një skuadër të vendit të tretë nga Liga e Kampionëve.
