Legjenda e Interit thotë se zikaltrit duhet ta largojnë Inzaghin për Conten apo Mourinhon
Legjenda e Interit, Alessandro Altobelli, ka thënë se ish-skuadra e tij duhet ta largojë Simone Inzaghin nga detyra dhe në vend të tij të marr njërin nga ish-trajnerët, Antonio Conte apo Jose Mourinho.
Ish-sulmuesi i zikaltërve gjatë viteve 80-ta, beson se Inzaghi nuk po bën mjaftueshëm në këtë rol, me 19-herë kampionët e Italisë që aktualisht janë të tretit në Serie A, edhe pse ata janë deri në çerekfinale të Ligës së Kampionëve. Inzaghi gjithashtu i udhëhoqi ata drejt fitores në Kupën e Italisë vitin e kaluar, por Altobelli dëshiron që Conte ose Mourinho të kthehen në San Siro.
I pari është në prag të shkarkimit nga Tottenham, ndërsa i dyti mbetet te Roma e vendit të pestë.
“Interi ka një ekip të mirë, por nuk jam i kënaqur me rezultatet”, tha Altobelli për Tuttosport përmes Football Italia. “Nuk mund të humbësh nëntë ndeshje nga 27 në Serie A. Ata kanë pranuar shumë gola. Zikaltrit nuk po tregojnë vlerën e tyre aktuale. Inzaghi ka fituar tre trofe dhe është kualifikuar në çerekfinale të Ligës së Kampionëve, por unë ende mendoj se ai duhet të synojë më shumë me këtë ekip”.
.jpg?format=jpg)
Ish-lojtari i Interit shtoi: “Nuk do të isha i sigurt mes Contes dhe Mourinhos. Mendoj se janë dy trajnerë të mëdhenj, ata tashmë kanë fituar në Inter dhe jam i sigurt se do të sjellin më shumë trofe”, shtoi Altobelli se kush duhet të zëvendësojë Inzaghin.
Përveç asaj fitore me dy ndeshje ndaj Portos në Ligën e Kampionëve, Interi ka qenë në formë të dobët kohët e fundit. Ata kanë fituar vetëm dy nga gjashtë ndeshjet e fundit të Serisë A dhe janë larg liderit, Napoli me 21 pikë me 11 ndeshje të sezonit të mbetura.
