Kaos në Turqi: Të shtëna me armë zjarri ndaj ndërtesës së Federatës së Futbollit
Ndërtesa e Federatës së Futbollit e Turqisë (FFT) është sulmuar me armë zjarri të enjten mbrëma. Raportohet se nuk ka të lënduar.
Një takim i anëtarëve të bordit drejtues të FFT-së ishte duke u mbajtur kur u shtënë me plumba në drejtim të ndërtesës.
Ministri i Mbrojtjes i Turqisë, Sulejman Soylu, ka thënë se 11 plumba ishin shkrepur në përgjithësi, pesë prej të cilëve e kanë goditur ndërtesën e federatës.
FFT-ja ka konfirmuar përmes një komunikatë për media se nuk ka të lënduar dhe se autorët e sulmit janë kapur.
Legjenda e futbollit turk dhe anëtari i bordit të FFT-së, Hamit Altintop, ishte i pranishëm në takim kur ndodhi sulm dhe tha se u shtri në dysheme kur i dëgjoi të shtënat.
“Më t’i dëgjuar të shtënat, ne u shtrimë për toke. Kolegët e mi në bord menduan se unë isha plagosur. Ishim me fat. Shpresoj se sulmuesit do të kapën”, tha Altintop pas sulmit.
Ministri i brendshëm Soylu tha se për sulmin dyshohen dy persona, të dytë të dehur në kohën kur u krye sulmi.
“Zoti na ndihmoftë. Plumbat na kaluan shumë pranë”.
FFT-ja njoftoi se autorët janë kapur dhe ndaj tyre pritet të ngrihet aktakuzë për sulm ndaj federatës.
“Ne nuk dyshojmë aspak se sistemi i drejtësisë i Turqisë do t’ua japë dënimin e merituar atyre që janë përgjegjës për këtë incident”.
