Ish futbollisti francez: Franca duhet ta lërë në stol Mbappen ndaj Spanjës

Do të ishte më e mira nëse Franca e lë në stol sulmuesin Kylian Mbappe në gjysmëfinale ndaj Spanjës, kështu së paku ka deklaruar ish futbollisti Frank Leboeuf.

Franca do të përballet me Spanjën të martën mbrëma, ndërsa do të synojnë një vend në finalen e Evropianit, ku pastaj do ta presin fituesin e takimit Holandë – Angli.

Sidoqoftë, për të avancuar në finale Lebouef beson se përzgjedhësi Didier Deschamps duhet ta lërë Mbappen në stol.

“Është duke vuajtur që një kohë. Për shkak të lëndimit të tij ka një justifikim, por më parë po luftonte me Paris Saint-Germain në Ligën e Kampionëve”.

“Pra, nuk është Mbappe që kemi parë. Për shkak të dëmtimit, mendoj se nuk është i aftë të luajë në nivelin më të lartë. Nëse duhet të luajë apo jo [nuk është vendimi im]”.

“Për të mirën e të gjithëve, për momentin nuk duhet të luajë. Është një deklaratë e madhe. Ai nuk është në 100 për qind, është ndoshta në 50, 60 për qind të mundësisë për shkak të maskës, për shkak të lëndimit dhe gjithçkaje.

“Nuk është Mbappe që prisnim, prandaj për mua, për të dhe për kombëtaren nuk duhet të luajë sepse nuk i shërben vendit dhe skuadrës siç duhet dhe nuk është as faji i tij”.

“Është i lënduar, ka hundë të thyer, ka problem me maskën, nuk duhet të luajë. Është një problem i frymëmarrjes në krye të një problemi të shikimit.

“Nuk kam asgjë kundër Mbappes, 100 për qind duhet të luajë [nëse është i përshtatshëm]. Unë jam tifozi i parë dhe jam kritikuar nga njerëz që thonë "ndalo të mbrosh Mbappe".

“Unë me të vërtetë e dua lojtarin, është një lojtar fantastik, por ju nuk mund të luani tani”.