Inter vazhdon në stilin e kampionit, mposht Torinon

Inter ka shënuar fitore komode në ndeshjen e parë pasi u shpallën kampion në Itali, duke triumfuar në shtëpi ndaj Torinos.

“Neurazzurët” triumfuan me rezultat 2:0, sfidë që e dominuan në të gjitha aspektet.

Pjesa e parë ishte më e barabartë, me raste nga dy skuadrat por që vendasit kishim posedimin e topit.

Sidoqoftë, situata u vështirësua për mysafirët sapo Adrein Tameze u ndëshkua karton të kuq pas një ndërhyrje (49’).

Vetëm shtatë minuta më vonë, Hakan Çalhanoglu me një gol të bukur i dha epërsinë Interit (56’).

Ndërsa, katër minuta më vonë Lovato shkaktoi penallti me një tjetër ndërhyrje brenda zonës, ku nga pika e bardhë turku ishte i pagabueshëm (60’).

Me këtë fitore, Inter mbledh 89 pikë në kreun e Serie A derisa Torino zë vendin e 10-të me 46 sosh.