“Hapësirë e madhe për t’u përmirësuar” – Ten Hag dëshiron që Rashford të shënojë 40 gola sezonin e ardhshëm
Trajneri i Manchester Unitedit, Erik ten Hag, beson se ylli i skuadrës së tij, Marcus Rashford, është i aftë të shënojë 40 gola në sezon dhe ka shumë vend për përmirësime në lojën e tij.
Marcus Rashford ka qenë lojtari i spikatur për Manchester United këtë sezon, pasi ka shënuar 30 gola në 54 paraqitje në të gjitha garat dhe ka dhënë 11 asistime. Ai është një nga arsyet kryesore pse Djajtë e Kuq arritën të sigurojnë një vend në Ligën e Kampionëve për sezonin e ardhshëm.
Megjithatë, Ten Hag beson se ka mundësi për përmirësim në lojën e sulmuesit dhe se ai mund të shënojë 40 gola në sezon.
.jpg?format=pjpg&auto=webp&width=3840&quality=60)
Duke folur për manutd.com, Ten Hag tha: "Pjesën e parë mendoj, po. Me Marcus, që ka shumë hapësirë për përmirësim në lojën e tij dhe jam i bindur se ai mund të shënojë edhe më shumë. Mendoj se kur ju merrni për shembull dhjetë ndeshjet e fundit që ai nuk shënoi aq shumë gola, mendoj vetëm dy ose tre. Ai mund të përmirësohet, por unë jam i lumtur.
"Ku ishte ai sezonin e kaluar dhe çfarë bëri tani dhe se ai e riktheu veten, është shumë mirë. Ne e mbështetëm atë ku mundëm, me mënyrën se si luajmë, por edhe në mentalitetin e tij mendor. Kështu që ne jemi të kënaqur me këtë. Por po, ne duhet të shtyjmë për më shumë dhe jam i sigurt se ai është i aftë të shënojë 40 gola në një sezon. Dhe gjithashtu të bëjë, për vetën, hapin e ardhshëm."
Reprezentuesi anglez i skadon kontrata në fund të sezonit 2023-24 dhe klubi shpreson se ai do të nënshkruajë një marrëveshje të re afatgjatë shumë shpejt. Sulmuesi u rikthye në fushë kundër Chelseat gjatë mesjavës për herë të parë që nga lëndimi kundër West Ham më 7 maj dhe shënoi gol.
Ten Hag ka të ngjarë të vendosë Rashfordin në formacionin fillestar kundër Fulham të dielën në Premierligë, gjë që do t'i jepte atij minuta për t’u kthyer siç duhet për në ndeshjen e finales së Kupës FA të Djajve të Kuq kundër Manchester Cityt më 3 qershor.
