Greenwood në Shqipëri? Klubi shqiptar në ‘gjueti’ për të larguarin e Manchester Unitedit
Mason Greenwood, është bërë cak i një skuadre shqiptare, siç raportojnë mediat britanike, por që nuk është bërë e ditur se për kë bëhet fjalë, me anglezin që po bëhet gati të largohet nga Manchester Unitedi, pas vendimit të këtyre të fundit që në skuadër nuk ka vend më për të.
Është zbuluar, se pas një hetimi të brendshëm të gjatë, sulmuesi 21-vjeçar do të ndërpresë lidhjet me Djajtë e Kuq në afatin aktual të transferimit.
Greenwood nuk ka luajtur për United që nga janari 2022, pas arrestimit të tij me dyshimin për tentativë përdhunimi, sjellje kontrolluese dhe sulm.
Këto akuza u hoqën në shkurt, por anglezi me një paraqitje ndërkombëtare, po lejohet të largohet nga Old Trafford.
Klubet nga Italia dhe Turqia kanë shprehur interes për Greenwood, me çdo lëvizje në një ekip anglez që konsiderohet të jetë e pamundur, ndërsa një kalim i mundshëm në Arabinë Saudite po përjashtohet gjithashtu.
Sipas talkSPORT, garës së rekrutimit tashmë i është bashkuar edhe një skuadër shqiptare.
Interesimi është regjistruar me Unitedin, me diskutime të mëtejshme që pritet të zhvillohen.
Greenwood ka thënë për kapitullin e ri në karrierën e tij: "Vendimi më i mirë për të gjithë ne, është që unë të vazhdoj karrierën time futbollistike larg Old Trafford, ku prania ime nuk do të jetë një shpërqendrim për klubin."
