Enrique nuk e fton Dembelen për përballjen e PSG-së ndaj Arsenalit, e akuzon francezin për mungesë respekti

Ousmane Dembele po akuzohet për mungesë respekti te Paris Saint-Germain, me trajnerin Luis Enrique që ka shpjeguar se pse ka vendosur të mos e ftojë yllin francez në përballjen ndaj Arsenalit.

Kampionët në fuqi të Ligue 1 do të përballen të martën(sot) me gjigantët e Premierligës, Arsenal, në Ligë të Kampionëve. Paris Saint-Germain ka bërë udhëtimin në veri të Londrës pa bërë pjesë të planeve të tyre fituesin e Kupës së Botës, Dembele.

Ai ka shënuar katër gola këtë sezon dhe ka luajtur në ndeshjen e fundit të PSG-së kundër Rennes, por tani e gjen veten jashtë skuadrës. Luis Enrique u ka thënë gazetarëve kur u pyet për mungesën e Dembeles: “Nëse dikush nuk i përmbush ose nuk respekton pritshmëritë e skuadra, kjo do të thotë se ata nuk janë të përgatitur për të luajtur. Ndeshja është shumë e rëndësishme dhe unë dua që të gjithë lojtarët e mi të jenë gati, kështu që si pasojë e kam lënë atë [Dembelen] jashtë. Dua më të mirën për ekipin tim dhe kjo është puna ime."

“Këto rrethana janë të vështira dhe ju duhet të merrni vendime të vështira. Por unë jam 100% i angazhuar me vendimin tim dhe 100% i sigurt për vendimin që kam marrë. Nuk do të thotë se kjo është e pakthyeshme, por kam marrë vendimin më të mirë për ekipin dhe për këtë kam nënshkruar këtu, për të krijuar një ekip që ka një identitet të fortë dhe me shumë karakter. Unë u punësova gjithashtu për të fituar tituj. Nuk mund ta garantoj këtë. Por mund të garantoj pjesën tjetër, që është të luash me një identitet të fortë. Ditën që nuk mund ta bëj këtë, do të shkoj në shtëpi. Kam mbështetjen e presidentit të klubit dhe drejtorit sportiv. Unë jam këtu për të krijuar një ekip dhe në të ardhmen që mund të përfshijë Ousmane Dembelen, vetëm për të qenë i qartë.”

Luis Enrique shtoi mbi raportet e përplasjes me Dembelen në prapaskenë, duke bërë që francezi të anashkalohej: “Unë jam shumë i sinqertë dhe do të jem i sinqertë, por nuk do të krijoj një telenovelë nga kjo. Nuk ka probleme mes nesh. Kjo është krejtësisht e rreme. Kjo ka të bëjë thjesht me përgjegjësitë e lojtarit.”

Pas përballjes me Arsenalin në Evropë, PSG do të rikthehet në detyrat vendase të dielën kur do ta ketë një udhëtim në Nice – me ende për t'u përcaktuar nëse Dembele do të mirëpritet përsëri në grup për atë ndeshje.