Eksperti i transferimeve e konfirmon: Conte do të largohet nga Tottenhami
Eksperti italian i transferimeve, Gianluca Di Marzio, ka konfirmuar se trajneri aktual i Tottenhamit, Antonio Conte, do të largohet nga drejtimi i skuadrës në fund të sezonit.
Trajneri italian nënshkroi kontratë të vlefshme për 18 muaj në nëntor të vitit 2021 dhe pritet që ai të largohet kur kontrata t’i mbarojë me skuadrën nga Londra veriore në qershor të këtij viti.
Eksperti italian, Di Marzio, ka pohuar se ish -trajneri i Interit dhe Juventusit me siguri do të largohet nga Spurs gjatë verës.
“Presidentit Levyt nuk i pëlqejnë zhurmat e shpeshta dhe ai dëshiron një klub ku mund të fitojë,” tha ai siç citohet nga FcInter1908.
“Duke mos qenë në gjendje të konkurrojnë për objektiva të caktuara dhe duke mos pasur të njëjtën ndjenjë si në të kaluarën, pa praninë e Paraticit të dënuar, ata [Conte dhe Tottenham] do të ndajnë rrugët.
“Unë ende nuk e di klubin e tij të ardhshëm dhe ndoshta, para se të kthehet në vendin e lindjes, ai do të mendojë dy herë pas asaj që tha për familjen e tij.”
.jpg?format=jpg)
Sky – Conte lascia il Tottenham a fine stagione. Prossima destinazione non notahttps://t.co/n5ZSW46m2D
— Fcinter1908 (@fcin1908it) January 21, 2023
Conte është lidhur me një lëvizje te Juventusi, por Zonja e Vjetër mund të mos luajë as në Evropë sezonin e ardhshëm pas një dënimi prej 15 pikësh në Serie A.
Sipas Gazzetta, edhe UEFA mund të marrë masa kundër bardhezinjve duke i ndaluar ata nga garat evropiane për një ose më shumë sezone.
Conte ka drejtuar Zonjën e Vjetër dhe Interin, duke fituar katër tituj të Serie A si trajner. Trajneri italian do të kthehet së shpejti në vendin e tij të lindjes, pasi skuadra e tij Tottenham do të përballet me Milanin në raundin e 1/8 të Ligës së Kampionëve. Ndeshja e parë zhvillohet në San Siro më 14 shkurt 2023.
