Ekspertët thonë se edhe kartoni i kuq i Diogo Jotas ishte gabim
Përjashtimi i Diogo Jotas në humbjen e Liverpoolit ndaj Tottenhamit, është cilësuar poashtu gabim, sipas një paneli të ekspertëve të futbollit anglez.
Sipas ESPN-së, Paneli i Pavarur i Incidenteve të Ndeshjeve kryesore të Premierligës ka vendosur që Jota ishte përjashtuar gabimisht kundër Spurs. Jota bëri dy ndërhyrje ndaj Destiny Udogie brenda një minute, duke çuar në një karton të kuq, por paneli tani ka vendosur që ndërhyrja e dytë nuk ishte e denjë për një karton të dytë të verdhë.
Liverpool tashmë kishte arsye për t'u ndier që po ‘shkelen’ nga vendimet e zyrtarëve gjatë humbjes 2:1 ndaj skuadrës së Ange Postecoglou, pasi PGMOL konfirmoi se goli i anuluar i Luis Díaz në pjesën e parë duhej të ishte i rregullt, pavarësisht se u anulua nga VAR.
Gabimi ndodhi për shkak se zyrtarët e VAR besonin se vendimi në fushë ishte një gol, pavarësisht se gjyqtari anësor çoi flamurin për pozitë jashtë loje menjëherë pasi anësori kolumbian kishte goditur topin për ta mposhtur Guglielmo Vicarion e Spursave.
Trajneri i Liverpoolit, Jürgen Klopp, që atëherë ka bërë thirrje që ndeshja të riluhet, pasi klubi lëshoi një deklaratë duke kërkuar një "zgjidhje" për këtë çështje.
Djemtë e Klopp duhet të largojnë vëmendjen e tyre nga çështjet jashtë fushës në lidhje me VAR-in, pasi ata përpiqen të përqendrohen në ndeshjen e tyre në Ligë të Evropës kundër Royal Union SG të enjten dhe ndeshjen e ligës kundër Brighton dhe Hove Albion të dielën.
