Detaje të reja për ish-yllin e Premierligës, anuloi fluturimin pak orë para tërmetit tragjik
Ish-ylli i Premierligës, Christian Atsu, i cili së fundmi luajti për Hatayspor, ishte në prag të largimit nga liga turke, por një gol i shënuar nga gjuajtja e lirë, bëri që të anulonte fluturimin dhe të qëndronte te skuadra e tij, krejt kjo ndodhi pak para tërmetit tragjik që përfshiu Turqinë dhe Sirinë, ndërsa futbollisti ganez mbetët akoma i zhdukur, duke mos u ditur fati i tij.
31-vjeçari ende nuk është gjetur pas tërmetit shkatërrues që goditi kufirin juglindor të Turqisë 11 ditë më parë, tërmet ky që mori jetën e mbi 40,000 njerëzve.
Atsu aktualisht është pjesë e skuadrës turke Hatayspor dhe shënoi një goditje dënimi të jashtëzakonshme në minutën e 97-të në fitoren 1:0 ndaj Kasimpasas në Superligën e Turqisë, më 5 shkurt.
Në zhvillimet e fundit, tani është zbuluar se ai ishte gati të largohej nga skuadra turke, por ndryshoi mendje pasi shënoi golin e fitores.
Menaxheri administrativ i Hatayspor, Fatih Ilek për Radyospor tha: "Christian Atsu i tha trajnerit se donte të merrte më shumë kohë përpara ndeshjes sonë me Gaziantep. “A mund të largohem nëse gjej një ekip?" tha ai. Këtë kërkesë e pranoi edhe trajneri, Volkan Demirel.
"Ai nuk luajti kundër Gaziantep, por shënoi një gol në minutën e fundit në ndeshjen ndaj Kasımpasas. Në fakt, ai po shkonte jashtë vendit për të vizituar familjen e tij. Por kur luajti mirë dhe shënoi, ai e anuloi biletën e tij. Tërmeti ndodhi në ditën e tij më të lumtur. Ai kishte një fluturim në orën 23:00. Anuloi biletën. Pati një tërmet në orën 4 të mëngjesit. Absolutisht një tragjedi."
Ish-lojtari i Chelsea, Newcastle United, Everton dhe Bournemouth fillimisht u kuptua se ishte nxjerrë i gjallë nga rrënojat, megjithëse këto raporte janë provuar që atëherë të jenë të pasakta dhe kërkimi për të vazhdon.
Në të vërtetë, shoqja e ngushtë dhe agjentja Nana Sechere lëshoi një deklaratë duke shpjeguar se ata ende janë në kërkim për të konfirmuar vendndodhjen e Christian. Mjerisht, asgjë nuk ka ndryshuar në kërkimin për Atsu që atëherë.
