Asambleja e Skenderajt miraton deklaratë kundër Aktgjykimit të Hagës, “Jo në emrim tim”
Kuvendi Komunal i Skenderajt ka miratuar deklaratën “Jo në emrin tim”, lidhur me aktgjykimin e shkallës së parë ndaj ish-krerëve të UÇK-së në Hagë.
Kryetari i komunës, Sami Lushtaku, tha se deklarata shpreh mospajtim me aktgjykimin dhe solidaritet me familjet e ish-krerëve të UÇK-së.
“Lufta e Ushtrisë Çlirimtare të Kosovës ishte luftë për liri dhe çlirim”, shkroi Lushtaku.
Ai e cilësoi votimin unanim si dëshmi të qëndrimit të përbashkët të Kuvendit dhe qytetarëve të Skenderajt.
