Chelsea e vështron me kujdes yllin e Napolit Kvaratskhelia
Chelsea i është bashkuar skuadrave që po ndjekin nga afër yllin e Napolit, Khvicha Kvaratskehlia, siç mëson mediumi ESPN nga burimet e saj.
Manchester City, Real Madrid, Barcelona dhe Newcastle United janë ndër shumë skuadrat nga e gjithë Evropa që raportohet se janë të interesuara për nënshkrimin e 22-vjeçarit, i cili shënoi 14 gola dhe regjistroi 17 asistime në 43 ndeshje ndërsa Napoli fitoi titullin e parë në Serie A që nga viti 1990 në fillim të këtij viti.
Një lëvizje për Kvaratskhelia do të ishte në përputhje me strategjinë e Chelseat për të ndjekur lojtarë të rinj me potencial të madh.
Sidoqoftë, Napoli është në një pozicion të fortë për t'i rezistuar çdo oferte formale duke qenë se anësori i Gjeorgjisë është kontraktuar me klubin deri në vitin 2027 dhe bisedimet thuhet se po përparojnë për një kontratë të re me kushte të përmirësuara.
Burimet kanë treguar se Napoli vlerëson Kvaratskhelia mbi 100 milionë euro (124.8 milionë dollarë) dhe megjithëse Chelsea nuk do të shtyhej nga ky vlerësim në teori, ata kanë hapësirë minimale brenda rregullave të Fair Play Financiar të UEFA-s. Për më tepër, buxheti i tyre për vitin 2024 do të varet nga faktorë të ndryshëm, duke përfshirë kualifikimin në kompeticionet evropiane për sezonin e ardhshëm, nëse një gjë e tillë ndodhë.
Chelsea ka gjithashtu prioritete të tjera në tregun e transferimeve me klubin që vështron bashkëlojtarin e Kvaratskhelias në Napoli, sulmuesin Victor Osimhen, mes një liste sulmuesish që përmban edhe sulmuesin e Brentfordit, Ivan Toney.
