“Çdo ndeshje e Interit është një betejë” – thotë Lautaro Martinez
Sulmuesi i Interit, Lautaro Martinez, nuk është i befasuar që Interi luftoi për të marrë të tre pikët nga vendi i fundit në Serie A, Cremonese, duke u kërkuar bashkëlojtarëve të tij që të fokusohen te Atalanta para ndeshjes me Milanin, pasi sipas tij "Çdo ndeshje është një betejë."
Zikaltrit e gjetën vetën duke humbur 1:0 në Stadio Giovanni Zini nga një goditje shumë e mirë nga David Okereke, e cila shkoi prapa krahëve të Andre Onanas, në këndin e sipërm.
Megjithatë, Lautaro Martinez e ktheu rezultatin me një dygolësh, duke shënuar në të dyja pjesët nga një, i pari në rikthim të topit nga një përpjekje e dështuar e Edin Dzeko dhe e dyta me një devijim nga Johan Vasquez.
Ishte një rast i veçantë për argjentinasin, hera e parë që ai mbante shiritin e kapitenit që në fillim në një ndeshje të Serisë A-së.
“Këto janë pikë të rëndësishme, pasi ne po dilnim nga një humbje me 10 lojtarë, ne punuam shumë dhe sot duhej t'i kthenim tri pikët në Milano. Ishte një luftë, por ne duhet të jemi gati, sepse çdo ndeshje do të jetë një betejë tani e tutje”, tha Lautaro për DAZN.
Ky ishte goli i tij i 11-të i sezonit në Serie A, kështu që ai u pyet nëse mund të arrijë objektivin prej 20 golave këtë sezon.
“Shpresoj të arrij maksimumin, pasi kjo do të thotë se kam ndihmuar ekipin, kjo është gjëja më e rëndësishme. Unë dua të ndihmoj Interin, shokët e skuadrës, stafin dhe tifozët”.
Napoli duket se është lideri i vetëm në krye, i ndjekur nga një përplasje në luftën për vendet që sigurojnë plasmanin në Ligën e Kampionëve.
“Ne po garojmë vetëm kundër vetes, pasi kemi humbur shumë pikë, është një hendek i madh në krye dhe Napoli luan nesër. Duhet të jemi të qetë, të fokusohemi te vetja dhe të vazhdojmë të përmirësohemi.”
Javën e ardhshme është Derby della Madonnina me rivalët kryesorë Milanin, por Lautaro Martinez nuk dëshiron të dëgjojë për këtë deri pas çerekfinales së Kupës së Italisë të martën në mbrëmje.
“Së pari kemi Atalantën, duhet të rikuperojmë energjinë sepse ata luajnë një lloj futbolli të veçantë. Edhe kjo do të jetë si një luftë, pastaj në derbi do të jetë një tjetër finale si ajo në Superkupë”.
