"Bir bu**tre", tifozët parisienë ia qëndisin këngën e re Leo Messit
Tifozët e Paris Saint-Germain kanë fyer rëndë sulmuesin Lionel Messi para zyreve të klubit duke kënduar "Bir bu**tre".
Argjentinasi ka vendosur përfundimisht të largohet nga "Parku i Princave" në verë sapo kontrata t'i skadojë dhe gjithashtu ka njoftuar gjigantin francez.
Menjëherë pas këtij lajmi, tifozët parisienë janë mbledhur para zyreve të klubit duke kënduar "Messi, biri i bu**tres".
Padyshim vendimi për t'u larguar nga gjiganti francez pa e fituar Ligën e Kampionëve që është objektivi i madh i klubit ka ndikuar që tifozët të jenë të zemëruar.
Tifozët e PSG-së disa herë këtë edicion kanë treguar mosrespekt për shtatë herë fituesin e Topit të Artë duke e fishkëllyer, siç ishte rasti i fundit me eliminimin nga Liga e Kampionëve.
Messi ka vendosur të largohet nga PSG-ja pasi nuk është aspak i bindur me projektin afatgjatë të klubit, derisa është duke shikuar për opsionet e radhës.
Dëshira e madhe e lojtarit thuhet të jetë rikthimi në "Camp Nou" me Barcelonën që është duke punuar intensivisht, mirëpo nuk është aspak e lehtë shkaku i gjendjes financiare.
Përndryshe, Messi ka dy oferta në tavolinë - atë nga Al-Hilal (400 milionë euro për vit) dhe Inter Miami.
Orë më parë u raportua se shteti arab është duke punuar për ta bindur lojtarin të transferohet në Arabi, siç bënë me Cristiano Ronaldon.
