Bayern Munich e pëson humbjen e parë sezonale në Bundesliga, Leverkusen fiton ndaj Augsburg
Bayern Munich deri më sot ishte e vetmja skuadër pa humbje në Bundesliga për sezonin 2024/25, por Mainz 05 e mësoi me disfatën, me ndeshjen që përfundoi 2:1.
Bavarezët kishin 10 fitore dhe tri barazime deri më sot, duke pasur kryesimin në elitën e futbollit gjerman.
Në përballjen sot ndaj Mainz, përkundër se dominuan ndeshjen, nuk arritën të merrnin pikë në udhëtim.
Lee Jae-sung e shënoi golin e vetëm të pjesës së parë, për rezultatin 1:0, në minutën e 41-të.
🚨🇩🇪 GOAL | Mainz 1-0 Bayern Munich | Jae-Sung-Lee
— Tekkers Foot (@tekkersfoot) December 14, 2024
BAYERN MUNICH HAVE GONE BEHIND!pic.twitter.com/ChepRxOFOP
15 minuta pasi filloi pjesa e dytë, i njëjti futbollist e dyfishoi rezultatin.
Bayern Munich ishte i pafuqishëm të përmbyste rezultatin dhe krejt çfarë bëri ishte goli për 2:1 i shënuar nga Leroy Sane në minutën e 87-të.
🚨🇩🇪 GOAL | Mainz 2-1 Bayern Munich | Leroy Sane
— Tekkers Foot (@tekkersfoot) December 14, 2024
LEROY SANE PULLS ONE BACK FOR BAYERN MUNICH !!!!!pic.twitter.com/XFgzi1DbkI
Përkundër humbjes, Bayern Munich vazhdon të mbetet në vendin e parë në Bundesliga.
Në anën tjetër, Bayer Leverkusen ka fituar 2:0 ndaj Augsburg.
Skuadra e Granit Xhakës nuk rrezikoi për asnjë moment fitoren, me dy golat e shënuar në pjesën e parë.
Terrier shënoi për 1:0 në minutën e 14-të, ndërsa Florian Wirtz e dyfishoi rezultatin pesë minuta para fundit të pjesës së parë.
🚨🇩🇪 GOAL | Augsburg 0-2 Bayer Leverkusen | Florian Wirtz
— Tekkers Foot (@tekkersfoot) December 14, 2024
FLORIAN WIRTZ DOUBLES THE LEAD FOR BAYER LEVERKUSEN!pic.twitter.com/1IZi9DQfZZ
Deri në fund nuk pati ndryshim në rezultat dhe Bayer Leverkusen iu gëzua fitores së radhës.
Leverkusen tani afrohet në vetëm 4 pikë me liderin Bayern Munich.
