Barcelona e rivalizon Manchester Cityn, përgatit ofertë marramendëse për Dani Olmon

Raportohet se Barcelona po përgatit një ofertë të majme me kontratë gjashtëvjeçare për Dani Olmon në vlerë 60 milionë euro, me gjigantët katalunas të gatshëm për të rivalizuar Manchester Cityn për yllin spanjoll.

Sipas Sport Bild, pavarësisht skadimit të klauzolës së lirimit prej 60 milionë eurosh të Olmos më 20 korrik, Leipzig mbetet i hapur për negociata. Klubi i Bundesligës është i vetëdijshëm për interesin e gjerë për lojtarin e tyre, me Manchester City, Atletico Madrid dhe Bayern Munich në mesin e kërkuesve potencialë së bashku me Barcelonën - të cilët po bëjnë një përpjekje të vendosur për të siguruar nënshkrimin e spanjollit.

Paaftësia e Barcelonës për të aktivizuar paraprakisht klauzolën e largimit të Olmos i ka shtyrë ata të hartojnë një strategji të re pagese. Klubi po kërkon të strukturojë tarifën e transferimit për t'iu përshtatur kufizimeve të tyre financiare dhe mund të propozojë të ofrojë një tarifë bazë transferimi prej 40 deri në 50 milionë euro, e cila mund të paguhet deri në tre këste. Shuma e mbetur për të arritur vlerën prej 60 milionë euro do të mbulohet nëpërmjet bonuseve të bazuara në performancë.

Barcelona thuhet se i ka ofruar Olmos një kontratë gjashtëvjeçare. Kjo marrëveshje e gjatë do t'i mundësonte klubit të amortizonte tarifën e transferimit gjatë disa viteve, duke lehtësuar presionet financiare dhe duke respektuar rregulloret nga La Liga dhe UEFA. Kontrata e propozuar për Olmon përfshin një pagë fillestare të ngjashme me të ardhurat e tij aktuale në Leipzig, rreth 11 milionë euro (9 milionë £/12 milionë dollarë) në vit. Megjithatë, paga pritet të rritet ndjeshëm nga viti i tretë i kontratës, pas një modeli të përdorur me nënshkrime të tjera të profilit të lartë si Robert Lewandowski dhe Ilkay Gündogan.

Për të lehtësuar fleksibilitetin financiar të nevojshëm për blerjen e Olmos, Barcelona po konsideron të shesë disa lojtarë. Në mesin e atyre që mund të shiten janë qendërmbrojtësit Clement Lenglet dhe Inigo Martinez, si dhe talenti i ri brazilian Vitor Roque. Krahas të shquarit të EURO 2024, Nico Williams, Olmo është bërë objektivi kryesor i katalanasve dhe trajnerit të tyre, Hansi Flick dhe ata po bëjnë gjithçka për të arritur objektivin e dëshiruar në afatin kalimtar të verës.