Anthony Joshua zbulon datën se kur do ta nënshkruajë kontratën për betejën ndaj Tyson Fury
Boksieri Anthony Joshua ka pranuar se do të nënshkruajë kontratën për përballjen me Tyson Fury më 3 dhjetor 2022.
Dy herë kampioni i peshave të rënda ka pranuar që të përballet me fituesin e WBC, Fury, më herët këtë muaj.
Por, marrëveshja ende nuk është nënshkruar me "Gypsy King" që i tha britanikut të shtunën se nëse nuk e nënshkruan kontratën deri të hënën, atëherë nuk ka marrëveshja.
Promovuesi i Joshua, Eddie Hearn së fundmi deklaroi se nuk do të nënshkruhet kontrata deri nesër, sa është afati i dhuruar.
Sidoqoftë, fituesi i medaljes së artë në Olimpiadën e 2012-es, gjatë një bisede në "Snapchat" ka qartësuar shumë situatën.
"Kam qenë duke nënshkruar kontrata për vite. Nuk është në duart e mi, është në duart e skuadrës sime legale".
"Për këtë arsye punësohen avokatët. Nëse e njeh historinë e boksit, sigurohu që avokatët ta bëjnë punën e duhur".
"Për këtë arsye ke menaxherë të mirë dhe avokatë të mirë. Pra, unë sigurisht që do ta nënshkruajë kontratën. Është vetëm në duart e avokatëve në këta minuta'.
Tashmë është e kuptueshme që Fury dhe Joshua do të përballen me njëri-tjetrin në stadiumin "Cardiff Principality".
Fury javën e kaluar ishte shumë i ashpër me Joshua, duke i kërkuar që ta nënshkruajë kontratën.
"Nënshkruajë kontratën AJ, ti p*** i vogël. Nënshkruajë atë kontratë p*** mashkull".
Derek Chisora, që është mposhtur dy herë nga Fury gjithashtu ka mbështetur Joshuan që ta mposht kampionin e botës.
